Alishi ya ali tapu ajak nung adoker, wapet tesem, bulua mashiba tesem koba nung jana nunger bendener, aser ali koba nung tsünüsembongtsü yoka amshir item tesem/ali nung alishiji tsünür.
· Ak aser an mesütsü atema alishiji tu aser shi na prongla amshir.
· Shi o tu na pronglaji mokongdaktsütsü atema bongdang nung tangu meyoki shibanga yuteter, tilala lensar yuteter, aser tachitsü aser talangka ayutsü atema anüka menüngsar ayur.
· Tu nungji protein aika keta lir (20-30%),tsüngküm mongpu ajak nung iba ya shiruru mesütsü atema amshir aser iba ya oil cake melena amshir.

Alishi koma tsünütsü:

· Aliji 25-30 cm (10-12 inches) tarok tuang.
· Tu atema tsünürba sürabang tsünüdangji tetsüngta  90 cm × 90 cm (3 ×3 feet); mesüra 60 cm x 60 cm  yuang
. Alishi tsünütsü mapang tajungtibaji Tsüklai (February) – Monupii (May) ita-tem ya lir. Lenten-i mesüra metongi asenoki atemtsü akok.
– Yirayira inteter aliba tedongji tasazük 2-3 cm diameter nung alangsatsü. Sünglaklen shilem asem nung ka aser tazünglen cm 10  intoker külen tanüngba shilemji tsünütsü atema alangsa-a amshitsü.
– Alangsar alibaji jobena atemtsü (ali ponglanglenji junga anüksar külen) aser tsünglanglen 4-6 cm (2′-2′.5”) ali telung nungji atemtsü. Kodang tzünglu aolen jaka sadema lidir tzülentuji (Irrigation) kecha          nüngdak mali.
· Temer ita pezü sülen tuji shiruru nem agütsütsü atema agizüktettsü.
· Tu peria manguba mapang amshitsü atema tuji  azüla, konger bosta nung seper ayutsü.
· Tu aser shi na prongla külemi tarutsü atema mokongdaktsü-i junga rizünga ayuba nung amshitsü akoker, alangsar bongdang nung tangu meyoki shibanger ayur.

Temetettsü: Nüngdakbapuri Print Out sünüra yangi MS Word form nung upload sütsür:

tapioca-cultivationDownload