15th NAP (IR) Mahila Band nem tapet senpettsütsüla

“India’s Got Talent” (IGT) ya India nung “Reality Show” tulutiba rongnung ka ta züngshir. IGT ama sentong tulu ka nung taküm Nagaland nungi 15th NAP (IR) Mahila Band-i shilem agitsü maongka nguteta parnoki tedendangertem mulung chidakja “Golden Buzzer” asemben tashi ngua India lima rangben anokshidaktsüogo. Par band ajanga nema tangtettsüsa tenüng tajung bener arutsüba den Nagaland state kanga wangshidaktsüogo, anungji, iba asoshi parnok nem tenüngsang tetushi aser aküm agütsür. Ya atamata ka dangbo masü ta bilemer. Iba jenjang tongtetba ya Nagaland asoshi otsü tasen ka yanglur asütsü. Mahila Band züngsem shirnokisa shilem agidar, parnok nem yabo tepela tamaitsü sayua shilem agir ajak nem Government of Nagaland/Police Department-i promotion agütsütsüla ta shidanger. Tang ya asenoki moa Nagaland DGP, Rupin Sharma IPS ya “nüburtem DGP” lir, anungji, pai Mahila Band züngsemtem atema ya langka tajung kabo inyaktsüdi süng ta teimla tulu akar. Jenjang tuluba ajangzüktettsü asoshi 15 IR Mahila Band Tsüngremi maneni maojangma.       

Sd/-

~ WATILEMBA, Former SSO (SSP), HG CD & SDRF, Nagaland: Kohima