Mokokchung, 19th Sept (Nokinketer.com): Sept 18, 2023 nü Mokokchung Police-i Sewak Gate Mokokchung nung meita alidang arishi küm Mr. Morenba, Age – 20, S/o Limawapang, Village – Longjang, P/Add – Sangtemla Ward, Mokokchung ket nungi Brown Sugar mozü 1.19 grams shi nguteta liasü. Iba dak sentakba nung bushisüngdanga aoba mapang Yimyu nung alir Mr. Takayapang, Age – 33, S/o Imnalemba, Village – Khensa par kidang nungi Brown Sugar mozü 10.35 grams shi nguteta liasü, ta Mokokchung Addl. S.P & PRO-i sangdong ka ajanga metetdaktsü.

Iba dak sentakba nung, Mokokchung Police-II nung case registered süogo aser temzüngi melaba ama tenaji puogo, ta Addl. SP & PRO-isa metetdaktsü.