Mokokchung District Football Association (MDFA)den külem sür Dimapur Sporting Club (DSC)-i ‘free football coaching camp’ ka Mojabi Futsal Turf, Salangtem Ward, Mokokchung nung ayongzüka akaba mapang tangokba noksa nung angur. Iba camp ya anogo ananü akatsü aser ibai tanur arishi küm 6 nungi 16 tsüngta alirtem asoshi katsür. Lanur parnok 40 dak tali arua iba sentong nung shilem agia dendaki. Lanurtem saisapong tsütsü jenjang ajungkettsü asoshi Dimapur Sporting Club-i Mokokchung nung sports academy ka lapoktsü nükjidong lir, ta MDFA kati iba osangbener den jembidang metetdaktsü. Mokokchung, 30th May, 2024