July 15, 2024 nep Mokokchung town kübok Mongsenbai Ward Ngati block nung tzü filter amenoka meshitetba sentong ka agi. Iba tzü filter ya tang Mongsenbai Ward nungi adoksang MMC züngsem, Imlisanen Jamir-i tenla. Ngati Baptist Arogo, Pastor, Sentiyanger-i iba tzü filter meshitettsü.
Ngati block pur asoshi Minister, Metsübo Jamir ajanga tzüpu (borewell) ka tutsü aser iba tzüpu nungji tzü asüngtetba kol ka kanga nungdaka aliba ajiteta councilor Imlisanen Jamir-i iba filter tenla, ta osang ajanga metetdaktsü. Iba filter amenoktsüba ya Imlisanen-i ULB election mapang pa adokyonga-madokyonga inyaktsütsü nangzükba mapa ka liasü, ta osang ajanga ashi.
Mapa agi iba ama inyaka sayuba asoshi Mongsenbai ward councilor, Imlisanen Jamir dang pelar ta Mongsenbai Ward Chairman, Marnungsang-i metetdaktsü. Küm 5 tsüngta ano nübur asoshi mapa tajung aika inyaktsü imla-a atar, ta paisa moaja metetdaktsü.
*****
The Nokinketer 