~ I. Zülu Pongen

Oh, tetemjen jabaso ka soa lir!

Ya komala tanur ka asütsü ta;

Ni bilemer aser yongyaseter;

Komaka ka intettsü iba tanur ya.

Ya komala tanur ka asütsü;

Ni shisadanger iba tanur ya,

Putipuiner asü, mongyanger,

Mesüra Nokinketer ang ka südisü.

Süngmangseta alidang,

Ya tenünga shibar na ta alidang,

Pai jembiogo, Nokinketer o;

Pa tenüng ‘Nokinketer’ ta jatsüogo.

Arung asenoki imladi; aser sarasademtsüdi,

Iba tanur tajung asoshi,

Nokinketer-i kechi jembidir

Nokinketer-i kechi inyakdir.

Kodang pa tain kümdir,

Arung asenoki anitakdi,

Pai koba lenmangi anidir,

Temulung lemang, pai len anitsü.