~ Wati Longchar

ASTD-i DABA arogo dangi January 6, 2025 nung “ASTD telemba” yokba chitti dak ajemdaker YSS nung Baptist distinctive “Arogo aser Yimden” na tepila aser tesentaktep nung sensaksem agia shisatsü lemsatep. Kari ASTD-i tim masü inyaker, kari asen sasa asen kechi amanger memetetba tia sayur, kari yimden kübok arogo ayutsü merangbaji khuret tulu, kari ASTD yimden lenirtemji arogo balala nungi alitsü anungji tanga arogo züngsem kadi yimden tashi amer arogo ka nung tashi amshibaji asenok Baptist distinctive tesayuba den mapet. Anungji ya arogo ka temeten anema lir. Tenzükertemi aibelena lira pei juri arogo züngsemtemi telemtet agitsüba dak alaka, tanga telok kadi amokmerena inyaktsübaji tim masü, kari ola adokbaji tim dang saka ASTD ajanga arubajibo lokti mashilen ka nungi arur. DABA nung züngsem or DABA general nungi kenoji arutsüla, ano kari ASTD nung alirtemji “as DABA member arur süra, shitak saka banner/organization tenüng balaka under nung arubajibo protocol tai. Unless ASTD is a stakeholder under/or with DABA” ta tebilemba balala lemsatep.

Ano karibo arogoi aibelena inyak nungji ASTD-i kechi inyak aji tim. Arogo inyakyim nung teinyakertemi aibelenba agi nütsüng nüburtemi maremtet ola adoker ta angatettsüla ta shisem, kari arogo nung Deacon Board lir, anungji, Board nung iba onük ya jungjunga jembir, kechi lemtetdir, aji bener Deacontem ajanga shir ajurutsü mesüra tongteptsü tim ajurua inyak nung ajungtsü, kari iba ya nüburtemi tim ola adoker. Amangbapurtemi bendentsü aser nisung kari achitsü, iba sülen taitok agütsür ta asüba yagi memelenshir. Anungji teloki lemtetba ama inyaktsü ola adokbaji tim dang. Iba ya tera mashilen ka meyipshi nungbo DABA tarutsü nükla kangabo majungtsü ta tarendak tebilemba lemsatep.

Ano sabangpur aikadi iba teyanglushitsü (reformation) adoktsü mapang ka, arogo Lai tesayuba dangi meyiptsü mapang ka, karibo “Clergy church nungi believers (congregational) church dangi meyiptsü mapang”, kari ya ajemalushir kümdanga inyaktsü tayongzükba ama agitsüla, kari iba tatalokba ajanga asenok temulung meyipa Yisuji asen kibur ta agizüka asen tashi, temulung, tokolok aser tanela ajak agi Pa tenzükdi aser santem tenüng dena meteta anepaludi aser  nemzüa aliba tebushi-i onütsüsa tanela khuret bendi, aser kari arogo ya Laishiba nung amendak aser iba tesayuba arogo asoshi tatembang tashi lir. Arogoi iba nungi pilara, arogo ya alima lokti jana nangden dak akümtsü aser arogoi Tsüngrem o-i kechi ashir ta tasü ita noktaktsü melena distinctive mesüra nisung tiembai mulungbaji tatembang tashi kümdaktsüba ajanga ta ajemalua agizükdi ta ajungshitep.

ASTD-i arogo yimden nung amuokba tim ji masü ta ashishiteperdangashi, nüburtemi arogo inyakyim nung temelenshi aginür ta asüba ola ta angatettsüla. We should discern the truth of what people are writing on the wall. Justify aser counter-argument dang magütsüi asenok Tsüngrem tenzüker pei tai aser tashi mait bushitsüba, shitettsüba mapang ka. Social media nung mapang mapang nung arogo aser tenzüker anema prokshiba ajakji shitak ta mashir, saka itemji nüburtemi temulung masüba, melenshiang, ta ashiba ola ta metettsüla.  Arogo general meeting nung nüburtemi tenzüker den direct confrontation “anenang”, “auer” ta tashi ashiba lir nung koda. Item ajak ya asen tenzükba mapa agi tzüra matemba ola ta angatetdi.  Asenok melenshiang ta ashiba ola ta positive süa agitsü nüngdak.

Asenok ajaki metettsüba kaji Baptist distinctive ta asüba ya fixed doctrine or practice ka masü ta metettsüla. Putu balala nung aser alinük balala nung pei nübur dak apet melenshia benshir. Tat. agi, arogo kar nungbo Baptist-a Bishop lir nung koda. Baptist arogo karibo presbyterian administrative structure amshir. Baptist distinctive amer arogo rajang kümdaktsüra ajiang tai.  Lenir kari ashi ama, Baptist distinctive is not superior to Jesus’ teaching.  Ochimashi tenzüker metongshitsüba, merenshiba, anentsüba ajakji Baptist distinctive lir.  Kechiba süra Baptist tamanger telok ya ochi nung noktaktsü aser kuli asütsü ta tasü itta jatetba telok ka lir.

Ao arogo nung toklang tenzüker “burn out”, “stagnant” aser mapa tasen/Lai ratet tanü putu den peta mesayutetbaji we are fixed in one place without further study. Tenzüker kaji jaka balala nung urban, rural balala tatsük-talem metetba, national, international exposure, tali bushiloktsü asoshi study/training balalai yokba ajanga renloker. Tenzüker ka shisatsü angazüklokshitsü lemang lapoktsübaji na/arogopur tajangzük asoshi ta arogoi metettsüla.  Teinyakdak nung mapang shia ita ka ana mesüra küm piyong shisa angazüklokba ya tenzüker ajak compulsory mapa ka kümdaktsütsüla.

Iba den tenzüker jaka melenshia tenzükba janga shisatsü nung ainer ta metettsüla. Iba tangatetba ajanga India aser tanga foreign lima arogo aika nung küm asem shia, arogo kar nung küm pungu shia transfer süteper.  Hau, ibai ajanga tenzüker kibong nung mepetmesü aika adoktsü, saka arogo inti tajangzük apir inyaktsü mapang tongogo. Employee-i mulungba jaka nung masü saka employer-i mulungba jaka nung tenzüker kaji tenzüktsüla. Tetezü, deacon aser amangbapur olaji tongtibangba. Ibai takok ngua bener aotsü asoshi Mungdangi appointment achayangtsüla, transfer system yanglutsüla, tanur education atema boarding school tajung lapoktsütsüla, aser allowance teperi agütsütsüla. Mungdang teka aitsü mapang tajung ka. Ya lim arogo nung tenzüker dang masü, Mungdang nung tenzükeria mulungtsüla.  

Lim arogo nung rongsen ketdangsüba ya meyipa reprangshitsüla ta nüburtemi ola adoker. Transparent mali, pei pei kushi-kushi inyaktepba aika ajangashia arur.  Ano town arogotem nung rongsen tali aser yimtsüng arogo nung toklang tenzüker underpaid (living in poverty) – Equitable distribution of wealth mali, ya melenshitsü nüngdak ta ola adoker.   ASTD-i züluba aser nüburtemi ola adokba ya tongtibang ta angatetba arogo aser Mungdang inyakyim nung reformation adoktsütsü ola maneni adokdi aser mera tasen agidi ta ayongzüker.

*****