Central Nagaland Women Association (CNWA) aser Watsü Mungdang na 5th June, 2024 nü Watsü Mungdang office nung mensem ka amen ta osang ka ajanga metetdaktsü.

Iba mensem nung CNWA President, K. Atoli Semai kin asem sanger tetsürtem tali tashi itshia maparen ajak nung amalitepa aser nungiteptsü ajungshia liasü.

33% reservation dak sentakba nung CNWA President den züngsem ana July ita 2023 küm Delhi nung Supreme court nung keno angadangba (hearing) mapang or aden aser reservation atema jembiba lai lemsatep.

 Nagaland nung ward ajak senteper 418 nung ULB election 26th June, 2024 nü akatsüba lir aser  142 ward nung tetsür kisüng tokteptsü. Mokokchung district nung tetsür atema 16 wards lir, iba nung Aotsür takutet tajung aika shilem agidaktsütsü ajungshitsü aser Watsü Mungdang-i reservation aliba tesemtem nung election tiptema timi (free and fair election) agitsü ajungshiba den common platform ayongzüka katsüba atema laisa pelaba metetdaktsü.

Ano iba mensem nung asen lima koba delimitation agitsüba lir, iba ya ishiba akümtsüba masü saka teimba ang meshisemtsüba atema teloki lemsatepa liasü. Iba dak alaka ano tongtibang onük balala nung shisa lemsatepa liasü ta ta kasa osang ajangasa metetdaktsü.

*****